منتدى أزهار الربيع (الغانم) و تجدون هنا كل ما تحبون من شرح دروس التاريخ & الجغرافيا & مستوى الرفيع & الاقتصاد للصف الثالث الثانوى و تجدون أيضا كل ما هو علي الساحة من مناقشات و أخبار و طرائف و ألغاز و أدب و أشعار و ألعاب و برامج و كرة القدم ...
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 بنات الجامعة اليومين دول

اذهب الى الأسفل 
كاتب الموضوعرسالة
drmido
Admin
avatar

عدد المساهمات : 135
تاريخ التسجيل : 19/08/2009
العمر : 58
الموقع : اكيد في مصر يا مان

مُساهمةموضوع: بنات الجامعة اليومين دول   الأحد أغسطس 23, 2009 11:21 pm

مفيش حاجة ممكن تضايقنى قد المنظرة ..يعنى لو اتكلمنا عن البنات فى الجامعة مثلا..تلاقى البنت من دول ماسكة الكانز فى ايديها من صباحية ربنا لغاية ماتروح البيت معا ان لو اهلها عرفوا ممكن يموتوا بالسكتة القلبية خصوصا ان وسيلة الشرب الاساسية فى البيت هى زير رئيسى على باب البيت وشوية قلل جوه البيت حاجة تانية.......
تلاقى البنت تتكلم مع الولد وتقولوه ياريت ماترنش عليا بعد الساعة 12بالليل لأن شديد قوى وراجل شرقى جدا..مع ان لو شفت هى لابسة ايه هتعرف وتتأكد فعلا ان باباها راجل شرقى جدا وشرقى دى جايه من الرقص الشرقى طبعا......

مثال تانى ...البنت وهى بتتكلم معاك تتكلم كلام نصه عربى عربى ونصه انجليزى وtake care ..وانت مروح وهاهاها!!وكأنها خريجة مدارس (الميردى ديو) والظاهر ان كثير من البنات نسيوا مدارس للو الحكوميه اللى كانوا فيها والمريلة الزرقة والضفيرة...
أما البنت لما تحب تجيب رجل واحد وتعلقه علشان تضمن عريس ...تلاقيها بتقول له :على فكرة يا أحمد أنا وماما مابطلناش كلام عنك طول الليل ...ماما نفسها تشوفك أوى ياأحمد ...وهكذا, وتلاقيها فى يوم جايباله ألبوم صور خطوبة واحدة صاحبتها أو قريبتها وتقعد تفرجه على الصور قال يعنى علشان تحمسه ...
وطبعا بعد كده عم أحمد تيجى رجله....
وأخيرا ...فيه نوعيه من البنات اما تيجى تتكلم تقول بابى ومامى وصيفنا السنة دى فى مارينا وقعدنا على البيتش وأنا أصلا ساكنة فى الرحاب ... النوعيه دى أنا عرفاها كويس وتطلع فى الأخر ساكنة فى الكيت كات وبتصيف كل سنة فى جمصة والبيتش دة يطلع الرملة اللى بيفرشوا عليها وبياكلوا المحشى والبتيخ ... وتكتشف فى الآخر ان بابى ومامى هما أبويا والست الحاجة......
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://them3gic.yoo7.com
 
بنات الجامعة اليومين دول
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى أزهار الربيع  :: منتدى النكت و الفوازير و اللطائف و الابتسامات-
انتقل الى: