صــــادكــ الرادار

عدد المساهمات : 5 تاريخ التسجيل : 14/12/2009

السلام عليكم ورحمه الله وبركاته

عاد الرادار محلقاً فوق المنتديات:

المخــــــــــالفات بالمنتـــــــــدي

يعني ودنا هنا (((( نشغل الرادارات ))))
وكلنا بنصير (((المرور ))))

ودنا هنا نكفش الأخطاء الإملائيه لكل المشاركات ولكل الأعضاء
ونكفش ايضـاً الجمل اللي ما (( ما ندري وش تبي ))

فمثلاً واحد كاتب (( السلام عليكم ورحمة الله وبركراته )) <<<<< هذا على طول نصفطه على جنب

أو واحد بيكتب (( فنزويلا )) وكتب (( أنفلونزا )) <<<<< هذا ما يبيله غير الحجز والكشف على صحته

أو واحد بيكتب (( قصيده رائعه )) وكتب (( صديقه رائعه)) <<<<<< هذا على طول نوديه لهيئة الأمر بالمعروف والنهي عن المنكر

أو واحد كاتب (( أنا هنا وهو أنا )) <<<<< هذا نجيب له شيخ يقرأ عليه

على العموم أتمنى وصل المعنى .......
وفيه شروط

1_ أي عضو يصيده الرادارد ما نمسح مخالفته حتى لو جاب واسطه من اللي فوق

2_ وله مكافأه عاليه اللي يصيد مخالفات على الإداره والمشرفين
3_ نهاية كل شهر بنسوي قائمة للأعضاء وعدد مخالفاتهم واللي يتعدى 20 مخالفة بنوصي الإداره تسحب الباسورد منه لمدة ثلاثة أيام
4_ أي عضو يصيد مخالفة على عضو أخر لازم أنه يقتبسها ويوضح لنا الخطأ اللي وقع فيه العضو ويكتب تحته التصحيح للخطاء (( لجل يستفيد في المرات القادمه ))
5_ اللي يصيده الرادار له الحق أنه يدافع عن نفسه وإذا أثبت أنه مظلوم تحسب المخالفة على العضو اللي صاده ..

6_ أي عضو يكرر مخالفة مرصوده سابقاً فيحق للعضو المكفوش أن يعترض وتسجل المخالفة على العضو الكافش
7_ أتمنى ما نركز على الهمزات لأن المشاكل بتكثر

وصدقوني بقدر ما الموضوع مسلي فأنه مفيد

اتمنى التفاعل لتعم الفائده للجميع

ياريت من غير زعل ونتمنى الاداره تشاركنا بعد